Stafi – TURGUT OZAL HIGH SCHOOL

Na telefononi

+355693183041

Stafi Ynë

STAFI I SHKOLLËS

Stafi Drejtues

Shiko më shumë

Mustafa Gezen është administator në shkollën e mesme “Turgut Ozal”. Me përvojë të gjerë si mësues dhe drejtor shkolle, Mustafa vjen në rolin e tij si administator, me njohuri e aftësi të shumta.

Para se te punonte në pozicionin aktual, Mustafa Gezen ka shërbyer si Koordinator Akademik në Turgut Ozal. Ai ka dy diploma Bachelor, një në Gjuhë Angleze dhe një tjetër në Marrëdhënie Ndërkombëtare, si dhe një diplomë Master në Aftësitë e Komunikimit. Ai ka dhënë mësim në programet IGCSE Anglisht dhe Perspektiva Globale, në shkolla të ndryshme dhe numëron certifikime të shumta, duke përfshirë edhe certifikata të CELTA dhe DELTA. Ai është i apasionuar për të ndihmuar nxënësit që të zhvillojnë aftësitë e tyre gjuhësore.

Përveç përvojës së tij si mësues, Mustafa Gezen ka dhe përvoja në role udhëheqëse në shkollë. Ai ka shërbyer si Ndihmës Drejtor, Koordinator Akademik, Drejtor i Shkollës së Mesme dhe Drejtor Ekzekutiv i Akademikëve në nivele të ndryshme, në shkolla ndërkombëtare e kombëtare private.

Mustafa Gezen është gjithashtu një mësues-trajner, që ndan njohuritë dhe aftësitë e tij me arsimtarë të tjerë.

Shiko më shumë

Sonila Shehu është drejtoreshë didaktike dhe nëndrejtoreshë në shkollën e mesme “Turgut Ozal”. Ajo iu bashkua shkollës sonë në vitin 2001, si mësuese e Gjuhës shqipe dhe Letërsisë.

Sonila ka diplomë Bachelor në Gjuhë shqipe dhe Letërsi dhe Master në Komunikim dhe Marrëdhënie me Publikun. Gjatë viteve, ajo i ka shërbyer shkollës në funksione të ndryshme. Ka qenë Këshilltare shkolle, Përgjegjëse e Katedrës dhe Nëndrejtoreshë. Me përvojën dhe aftësitë e saj të gjera në arsim, Sonila luan një rol kryesor për t’u siguruar që shkolla të mbajë standardet më të larta akademike dhe të sigurojë një mjedis të përshtatshëm për nxënësit, që të rriten dhe të kenë sukses.

Në kohën e lirë, Sonila kënaqet me familjen. Ajo është një nënë krenare e një djali dhe një vajze. Sonila është gjithashtu një lexuese e zjarrtë dhe ka një interes të veçantë për gazetarinë.

Shiko më shumë

Bujar Muzhaqi është nëndrejtor në shkollën e mesme “Turgut Ozal”.

Me përvojë të gjerë në role drejtuese, në Kosovë, Turqi dhe Tajlandë, Bujari sjell një pasuri të madhe me njohuri e aftësi, që i shërbejnë më së miri në rolin e tij si nëndrejtor.

Krahas përvojës së tij në drejtimin e shkollës, Bujari është edhe një mësues shumë i aftë i gjuhës angleze. Ai ka dhënë lëndën e anglishtes në nivele të ndryshme, nga shkolla fillore deri në universitet. Angazhimi i tij në arsim dhe pasioni për të ndihmuar nxënësit në arritjen e suksesit, pasqyrohen në punën e tij në Turgut Ozal.

Si nëndrejtor, Bujari luan një rol kyç në mbështetjen e rritjes akademike dhe personale të nxënësve, duke punuar ngushtë me kolegët e tij, për t’u siguruar që shkolla të ofrojë një mjedis mësimor pozitiv dhe edukativ për të gjithë.

Përvoja e tij e gjerë dhe aftësitë drejtuese janë pasuri të paçmueshme për komunitetin e Turgut Ozal.

Shiko më shumë

Brenardo Nuredini është Koordinator Akademik në shkollën e mesme “Turgut Ozal”, ku punon edhe si mësues i biologjisë, që nga viti 2015.

Me përvojë të gjerë në Programet Ndërkombëtare të Kembrixhit, Brenardo është i apasionuar për t’u ofruar nxënësve një arsim cilësor, që i përgatit ata për sukses në të ardhmen e tyre, në aspektin akademik dhe profesional.

Krahas rolit të tij si mësues, Brenardo ka shërbyer edhe si Shef Lënde dhe Shef Departamenti. Ai është veçanërisht i apasionuar pas biologjisë dhe punon me zell për të përgatitur nxënësit për Olimpiadat Kombëtare.

Shiko më shumë

Vezjana Nezha është mësuese në lëndën e Biologjisë në Shkollën e Mesme “Turgut Ozal” dhe, në të njëjtën kohë, mban pozicionin e Koordinatores Akademike dhe Përgjegjëses së Departamentit të Biologjisë në këtë institucion.
Pasioni i Vezjanës për fushën e biologjisë ka bërë që ajo të angazhohet plotësisht për të sjellë njohuri të paharrueshme tek nxënësit e saj përmes një mësimdhënie interaktive. Në sajë të përkushtimit ndaj lëndës dhe angazhimit të vazhdueshëm, ajo ka krijuar një mjedis mësimor të pasur, ku nxënësit janë të nxitur të zhvillojnë njohuritë e tyre dhe të eksplorojnë në botën mahnitëse të shkencës së biologjisë.
Në shërbim të punës së saj në shkollë, Vezjana ka ndjekur studime pasuniversitare master në “Psikologji Këshillimi dhe Pedagogji”. Ky master e ka pajisur atë me aftësi të avancuara në këshillimin e nxënësve, duke siguruar mirëqenien emocionale të tyre gjatë procesit të të mësuarit dhe në menaxhimin e detyrave akademike e administrative në shkollë.

Shiko më shumë

Eglantina Mulleti është mësuese e matematikës dhe Këshilltare për Nxënësit, në shkollën e mesme “Turgut Ozal”. Këtë vit akademik , duke iu bashkuar shkollës, ajo sjell përvojën e saj 20 vjeçare, duke kontribuar në mësimdhënie si dhe në rolin e saj si Shefe në Zyrën e Udhëzimit dhe Këshillimit. Si Këshilltare e Nxënësve, Eglantina punon me nxënësit, për të ofruar udhëzime dhe mbështetje, për çështje akademike dhe sociale.

Ajo është gjithashtu përgjegjëse për organizimet e aktiviteteve të klubeve të shkollës, duke i ndihmuar nxënësit, që me anë të këtyre aktiviteteve, të orientohen dhe qartësohen në lidhje me rrugëtimin e tyre drejt karrierës dhe profesionit që do të zgjedhin në të ardhmen.

Shiko më shumë

Kastriot Capa është mësues i fizikës dhe Këshilltar për Nxënësit, në shkollën e mesme “Turgut Ozal”. Së fundmi, duke iu bashkuar shkollës, ai sjell shumë përvoja dhe aftësi të reja, në rolin e tij në Zyrën e Udhëzimit dhe Këshillimit. Si Këshilltar i Nxënësve, Kastrioti punon ngushtë me ta, për të ofruar udhëzime dhe mbështetje, për çështje akademike dhe sociale.

Ai është gjithashtu përgjegjës për dhënien e këshillave dhe udhëzimeve për aplikimet universitare, duke i ndihmuar nxënësit që të lundrojnë në procesin kompleks të aplikimit në institucionet e arsimit të lartë.

Përveç punës së tij si Këshilltar i Nxënësve, Kastrioti është gjithashtu një mësues shumë i aftë i fizikës, i përkushtuar për t’u ofruar nxënësve një bazë të fortë, në këtë lëndë të vështirë. Pasioni për arsimin dhe angazhimi i tij për të mbështetur rritjen akademike dhe personale të nxënësve, pasqyrohen në punën e tij në Turgut Ozal.