Mësuesit kujdestar kanë përvojë të gjerë rreth pranimeve në universitete dhe e dinë se çfarë do ta bëjë aplikimin e një nxënësi të dallohet nga të tjerët. Ata i kushtojnë kohë njohjes me secilin nxënës dhe me interesat që ata kanë, për t’u siguruar që deklarata personale e secilit, të jetë reflektimi më i mirë i tyre si individ.

Ne, në shkollën e mesme “Turgut Ozal”, kuptojmë rëndësinë që kanë letrat e referimit, për suksesin e ardhshëm të nxënësve tanë. Një letër referimi e shkruar mirë, mund të ndryshojë gjithçka. Kjo është arsyeja se pse ne u ofrojmë nxënësve tanë letra referimi të detajuara dhe të shkruara me kujdes.

Letrat tona të referimit janë të përshtatura me nevojat dhe pikat e forta individuale të çdo nxënësi. Ne punojmë ngusht me nxënësit për të identifikuar arritjet akademike e personale dhe qëllimet e aspiratat e tyre. Letrat tona të referimit japin një pasqyrë të plotë të performancës akademike, veprimtarive jashtëshkollore dhe karakterit të nxënësve, duke vënë theksin mbi pikat e forta dhe arritjet e tyre.

Java e Karrierës (Career Week) është një veprimtari njëjavore e mbushur me aktivitete, seminare, ditë të hapura, vizita universitare, seminare, uebinarë, e shumë të tjera. Gjatë këtyre ditëve, ne ftojmë profesionistë të fushave të ndryshme, që t'u flasin nxënësve për rrugëtimin e tyre në karrierë, të ndajnë përvojat dhe t'u përgjigjen pyetjeve që nxënësit mund të kenë. Gjithashtu organizojmë vizita në universitete dhe kompani, për t'u dhënë nxënësve tanë një përvojë të dorës së parë rreth botës së punës. Gjatë Javës së Karrierës, ne ofrojmë një sërë workshop-esh dhe uebinarësh të projektuara për të ndihmuar nxënësit, që të zhvillojnë aftësi thelbësore, si shkrimi i CV-së, teknikat e intervistave dhe krijimi i rrjetit profesional. 

Ne kemi krijuar partneritete me universitetet në vend dhe ato ndërkombëtare, për të ndihmuar nxënësit tanë që të informohen dhe të marrin vendime të duhura për të ardhmen e tyre, si dhe për t'u ofruar atyre akses në një sërë mundësish akademike e profesionale. Këto partneritete na mundësojnë organizimin e veprimtarive të ndërsjellta dhe ndarjen e informacioneve në mënyrë efektive rreth universiteteve. Ne ftojmë përfaqësues nga këto universitete që të flasin me nxënësit tanë për programet që ofrojnë, kërkesat e pranimit dhe mundësitë e bursave. Gjithashtu, ne organizojmë edhe vizita në kampuse universitare dhe turne në vende si: Gjermania, Holanda, Zvicra, Italia, Mbretëria e Bashkuar dhe SHBA-ja. Kështu, ne u japim nxënësve tanë një përvojë të dorës së parë të jetës universitare. Këto udhëtime u japin atyre mundësinë që të vizitojnë universitete prestigjoze, të ndjekin leksione dhe të takohen me përfaqësues të Zyrës së Aplikimeve dhe anëtarët e fakultetit. Nxënësit fitojnë njohuri akademike dhe kulturore të jetës universitare, njohuri që i ndihmojnë ata që të marrin vendime të informuara, për të ardhmen e tyre.

-Një hyrje në procesin e pranimit në universitet.

-Këshilla se çfarë mund të bëni për t'u përgatitur.

-Ndihmë për të ndërtuar një ese universiteti, që do të shfaqë pikat tuaja të forta.

-Ndihmë për t'u regjistruar në testet e standardizuara të kërkuara. 

-Këshilla për mundësitë e ndihmës financiare.

-Organizimin e takimeve me përfaqësues nga universitetet.

-Ofrimin e udhëtimeve në universitetet në vend dhe ato ndërkombëtare.

-Udhëzime se si të kërkojmë rekomandime për shkollat.

-Mbështetje me paraqitjet e 'Common App' dhe UCAS.

- Mbështetje për të përfunduar listat e universitetit.

-Mbledhja dhe dërgimi i të gjithë dokumentacionit të përshtatshëm, duke përfshirë transkriptet, letrat e rekomandimit, profilet e nevojshme për aplikim në universitetet që ju keni zgjedhur.