Muaji nëntor në Kalendarin e historisë kombëtare shqiptare shënon ngjarjet më të mëdha dhe më të rëndësishme të kombit shqiptar. Ky muaj shënon kthimin e Skënderbeut në Krujë, në vitin 1443, Shpalljen e Pavarësisë së Shqipërisë në vitin 1912, Çlirimin e Shqipërisë nga forcat fashiste në vitin 1944 etj.
Atmosfera e festave të nëntorit ka filluar të ndihet në të gjitha mjediset e shkollës sonë.
Ngjyrat kuqezi, simbolet atdhetare kombëtare, veshjet popullore të krahinave të ndryshme e shumë projekte të tjera të përgatitura me përkushtim nga nxënësit e mësuesit, e sjellin historinë e lavdishme shqiptare në aktualitet dhe bëhen përkujtesë dhe mesazh për brezat.
