Në jetën e njeriut, diplomimi në shkollën e mesme nuk është thjesht njê “gur kilometrik”, por edhe një etapë e rëndësishme në udhën e të ardhmes.
Sot koha juaj erdhi!
Urime për secilin prej jush për këtë arritje të shquar të diplomimit nga Shkolla e Mesme Jo-publike ‘Turgut Ozal’. Gjatë këtyre viteve ju keni punuar shumë dhe tani jeni gati dhe të përgatitur për të kaluar në botën e universitetit dhe të punës. Ne jemi shumë krenarë për arritjet tuaja në shkollën tonë.
Ju urojmë suksese dhe bekime të vazhdueshme gjatë ditëve dhe javëve tuaja të mbetura si studentë të shkollës sonë dhe qofshi të lumtur, të arrirë dhe të sigurtë kudo që t’ju shkelë këmba.
E ardhmja është e vështirë, por dijet që keni fituar në këtë shkollë do t’ua lehtësojnë rrugëtimin akademik dhe profesional.
Kjo shkollë është e nderuar që pati mundësinë të kontribuonte sadopak në këtë etapë të rëndësishme të jetës tuaj.
Suksese dhe mbarësi për të gjithë ju.
